制县传说

世界杯听晚 23:00 开波喇，今届响俄罗斯踢，对香港球迷嚟讲就梗系好事啦，起码唔洗捱更抵夜，又唔使晨早返工时迫住车睇波，今年赛程同平时睇欧洲赛差唔多，所以应该好易适应，至于今届边队会系冠军，编者就系德国趸嚟慨，所以我就买重德国赢同汤马士梅拿系神射手㗎喇！

话时话，如果德国赢到慨话，就会系连续两届赢到世界杯冠军㖞！再睇返历史，原来由 1930 第一届世界杯开始，能够连赢两届世界杯冠军慨就只有巴西，而巴西系响 1958 年同 1962 年两届世界杯称王，亦系唯一一队连续赢到冠军慨国家队，德国今届真系赢到慨话，就系第二队两连冠慨国家队喇！虽然今届无咗荷兰同意大利，但仲有好多强队同黑马，要过关斩将仲要问过西班牙、阿根廷、巴西、法国、葡萄牙、英格兰等等，唔知各位读者大大又有咩心水呢？

波仲有成个月讲，家阵讲吓其他嘢先。

好多人都钟意去旅行，尤其系日本、韩国、台湾就系港人最钟意去慨地区，而日本应该系最多香港人去慨，咁你又记唔记得自己去过日本几多个地方呢？

睇你都唔会记得晒㗎喇，咁不如试吓玩呢个叫"制县传说"慨网页，响呢度会有个日本地图，仲分开晒各个县市，你要做慨就系响地图上你去过慨地方㩒一下，再拣你去嗰度做过乜？例如居住过、住宿过、游玩过、休息/换车、路过，或者无去过，咁"制县传说"就会帮你以唔同颜色显示同计分，最后加埋晒慨总分就会显示响上面慨"制县等级"度，咁就知道自己游日慨经验值系几多喇！

查实"制县传说"早响 2015 年就出现，原本系一个由日本人开发慨 Android App，叫《制県伝说∼都道府県制霸マップ 》，用意系等你知道自己响日本各地留低咗几多脚毛，不过最近呢个 App 就被下架。虽然系咁，但近排就出现"制县传说"慨网页版，而且仲有好多香港人玩