Google Assistant 双语升呢　支援英法德西意日　中文仍欠奉

香港人讲嘢中英夹杂系常有慨事，所以用 Google Assistant 或者 Siri 时，要夹硬讲晒纯中文真系有啲惯。早喺 2 月， Google 就预告过会为 Google Assistant 加入双语言支援能力，而刚刚 Google 就推出咗呢个功能。

而家大家可以喺 Google Assistant App 或者 Google Home App 里面设定第二语言，以笔者手上慨 Google Assistant App 为例，点击右上角的" … "打开选单，按"设定"＞"カスタマイズ设定（ Customize 设定）"＞"アシスタントの言语（ Assistant 的语言）"后，按下"＋"号，就可以从英语、德语、法语、日语、意大利语、西班牙语六种语言中选择第二语言。非常可惜，仍然未对应中文，更唔好讲笔者而家用紧慨广东话啦⋯⋯

点击右上角的" … "打开选单，按"设定"。

按"カスタマイズ设定（ Customize 设定）"⋯⋯

按"アシスタントの言语（ Assistant 的语言）"⋯⋯

选好之后，你就可以喺同一个画面里用所选嗰两种语言嚟向 Google Assistant 发出指令，不过就唔可以喺一个指令里面用两种语言。而回答慨时候，如果用英文嚟问，就会回应英文；而用日文嚟问的话，就只会以日文回应。

设定好之后，就可以在一个界面以两种语言发出指令，但不能在同一句里夹杂两种语言。

Google 话开发呢个功能用咗几年时间，佢哋话要令 AI 分辨多种语言然后去理解嗰种语言系好难慨事，而佢哋就喺 2013 年开始喺交谈慨时候采用咗一种名为 LangID 慨语言识别技术，呢种技术用采用回归耦合神经网络（ RNN ），而家已经可以辨别到超过 2000 种语言组合，而佢哋就正在向对应三语言挑战。