Google Assistant 推出 Siri 捷径　叫 Siri 揾 Google Assistant 唔再揾错人

Siri 同 Google Assistant 可以话系对头人，双方分别代表各自阵营慨智能产品同服务，不过正如政治都冇永远慨敌人， iOS 版 Google Assistant 最近慨更新就加入咗 Siri 捷径，令到大家可以用 Siri 嚟揾 Google Assistant 喇！

要安装 Google Assistant 慨 Siri 捷径，要升级至版本 1.4.6107 。 Google Assistant 未喺香港 App Store 推出，所以要安装 iOS 版 Google Assistant ，就要先申请个日本或美国 Apple ID ，然后就可以到当地慨 App Store 去下载。

不过要安装 Google Assistant 慨 Siri 捷径，就要一啲窍门。虽然日本 App Store 一样可以安装到 Google Assistant ，但要"正规地"安装 Siri 捷径， iPhone 慨地区就要设定为" United States "。另外，如果唔将语系设定为" English "的话，安装捷径慨提示框就会出现" kOPALocalizationStringNotFound "奇妙字句。变咗鬼佬移咗民后，只要开启 Google Assistant App ，就会见到" Add "OK Google" to Siri "提示框。按下" Add to Siri "掣，就可以开始新增捷径程序。

进入安装捷径程序，录句 OK Google 就完成。

我的捷径会多出" OK Google "语音指令

叫"喂 Siri OK Google "就可以直接开启 Google Assistant

完成新增捷径程序后，系可以即刻将地区同语系转返去香港同中文，不过建议你先设定好 Google Assistant 先，因为有啲选项要系"美国人"先至设定到慨。以后，只要你就可以用"喂 Siri OK Google "一句，一气呵成叫出 Google Assistant 并且直接近入语音待命状态，控制 Google Home 等等。

趁住"搬咗去美国"，记住顺手做埋 Google Assistant 慨设定。

不过一啲功能要你提供更多资料，就始终冇反应，可能要日本 Gmail 账号或日本 IP 。

邪道手法

上面介绍过"正规"安装手法，当然是有邪道的安装手法，就系你开着 Google Assistant ，对佢讲一次" Hey Google "，然之后就可以到"设定＞ Siri 与搜寻"，大家会喺"建议的捷径"清单里面揾到求先讲过慨" Hey Google "，按右边慨"＋"号就可以启动 Google Assistant 安装 Siri 捷径慨程序。

唔驶转语系，就咁对住 Google Assistant 讲" Hey Google "，就会喺 iPhone 慨"设定＞ Siri 与搜寻＞建议的捷径"里面加入呢个建议。

揿右边"＋"号，就可以启动加至 Siri 程序

安装 iOS 版《 Google Assistant 》

美国 Apple ID ：按此
日本 Apple ID ：按此

相关连结

【教学】五分钟 Copy and Paste　申请日本 Apple ID 无难度