$120 学写 App 同 PS？Udemy 网上学习平台限时优惠

$120 可以做到乜？可能食一两餐饭就已经冇左。时下打工仔成日都话增值自己，放左工后去进修，有啲课程可能一、两千蚊，重要可能撞正星期一至五。有时工作忙碌未必可以准时走，拖左疲惫既身躯去上堂又唔够精神，上网学习重方便啦。可以随时随地喺屋企或者搭车时睇，用手机睇又得，用电脑睇都得。最近一个网上学习平台 Udemy 就推出咗限时优惠，用港币 $120 就可以报读网上课程，重可以终身翻睇影片，啱晒我呢啲穷忙族。

而家可以喺 Udemy 40,000 以上个课程中，以美元 $15 （即港币 $117 ）报读课程。平时好多课程学费为 $150-200 美金，即系而家做紧一折！不过想报就要快手，因为 Udemy 并无说明优惠期限，可能随时改变。

Udemy 为网上学习平台，课程包罗万有。

现时可以用 $15 美金（$117 港币）报读多个课程。

Udemy 系全球网上学习平台，由专业导师授教慨课程多达四万几个，类别包罗万有，有程式语言、网页开发、营销策略、设计、多国语言等等，总有一个啱你心水。课程由好多条短影片组成，有咩听唔明就可以"回带"听多次，部分课程有练习俾你边睇边做，亦可以向导师发问，仲有毕业证书㖭。课程大纲会详细写每段影片教慨主题，可以参考学生评分和留言嚟睇适唔适合自己。小编觉得以下三个课程几抵报：

学习 Photoshop

导师会以 Photoshop CC 2017 作示范，但亦会讲解其他版本慨做法。由零开始教，从基本技巧教到设计平面图形、表情符号、商业卡片、App Icon、可爱卡通人物等，专为冇接触过 Photoshop 慨人而设。
查看课程

很多工种都要求懂得使用 Photoshop，现在用百多元就可以报读啦。

日文 N5 考试课程

如果你识平假名和片假名，想再学多啲，考取日文 N5 资格的话，可以考虑报读呢个课程。课程会派发 PDF 版教科书，教授日常生活用语和基本文法，学生亦可以下载 Vocab List 和 Grammar List，方便备试。
查看课程

学语言考 Cert 系好重要的，呢个 N5 备试课程好实用。

学习编写 Android App

导师会以 Android N 教授，学生毋须 Programming 经验都可以报读。课程会用 Java 和 Android Studio 一步步示范，最初会教授编写货币转换 App，然后学写地图 App 和训练脑部游戏 App，最后会剖析 Uber、Whatsapp 和 Instagram 系点写出嚟。
查看课程

钟意电脑嘢但又唔识 Programming？学下写 App 都几好玩架。

小编加咗十几个课程，全部都系优惠价 $15 美金，睇黎呢个优惠冇数量限制。不过手快有手慢无，大家快啲睇下有咩课程可以增值自己啦。

报十几个课程都系划一价 $15！

Udemy 网上学习平台：https://www.udemy.com
（毋须输入优惠码，在网页顶头会看到优惠详情。）