Payme 畀钱通晒天！记住更改隐私设定

手机收付款的确好方便，尤其是一班人去食饭夹钱唔驶下下数银仔，《 Payme 》就系港人常用慨手机收付款服务之一。不过你有冇留意，冇做好隐私设定的话，全世界都会知道你畀咗钱边个？！快啲做好预设隐私设定啦！

全世界都知道你争 Leung $12 喇！重唔快啲去设定隐私！？（设计图片）

假如你慨《 Payme 》注册咗一堆朋友，你应该会发现间中会收到朋友收钱畀钱慨信息。你有冇谂过你畀钱时你慨朋友都知道晒呢？唔单止知道你同边个有钱银往来，假如你有喺畀钱慨时候有写低备注，例如上图中"争住 $12 先"，咁就全世界都道你争咗 Leung 喇！

如果你老婆女友老公男友都喺埋 Friend list ，你去过边、买过嘢、同边个人有交易都会畀佢哋知道晒呀！ OTZ

原来呢个系《 Payme 》慨预设功能，在"预设隐私设定"下，无论你收款或付款，都会传晒畀 Friend list 上面所有人知道。唔想交易通晒天，就要跟以下步骤去修改"预设隐私设定"喇！

1. 按左上角的图示叫出主选单（设计图片）；

2. 点击"设定"；

3. 点击"预设隐私设定"；

4. 将"谁可以看见您付款给朋友的交易"和"谁可以看见您的朋友付款给您的交易"都设定成"不公开"！